Пропадна трансферот на младиот играч на Партизан од Белград, Страхиња Павловиќ, во редовите на Лацио. Павловиќ трет пат не успеал да ги мине лекарските прегледи во Рим, поради што Лацио се откажале од трансферот.
Според италијанските медиуми во Лацио не биле задоволни од ЕКГ резултатите. Тие наведуваат дека во Лацио биле внимателни по случајот со Давиде Астори. Се потенцира дека пречките не биле опасни по живот, но дека од истите причини претходно од трансферот се откажале од Јувентус.
Инаку лекарските прегледи го спречија младиот играч да потпише пет годишен договор со Лацио. Партизан од трансферот требаше да заработат 5,5 милиони евра.