Капитенот на Реал Мадрид, Серхио Рамос, му соопштил на претседателот Флорентино Перез дека по 14 години има намера да го напушти клубот.
Односите помеѓу Рамос и Перез не се добри уште од реваншот со Ајакс и елиминацијата на Реал од Лигата на шампионите.
Првиот човек на „кралскиот клуб“, според шпанските медиуми, немал намера да му овозможи трансфер на 33 годишниот капитен.
Рамос сакал да ја продолжи кариерата во Кина, откаде добил понуда што не се одбива.
Рамос со Реал има освоено 20 трофеи меѓу кои се и четири во Лигата на шампионите. За Реал има одиграно 606 натпревари на кои постигнал 84 гола.