Салернитана и Сасуоло одиграа 2:2, а Специја го победи Каљари со 2:0, во првите натпревари од 29.коло во Серија А.
Салернитана, остана на последната позиција во лигата, откако не успеа да слави победа во дуелот со Сасуоло. Бонацоли погоди во осмата минута за предност на екипата од Салерно.
Во наредните 20 минути, Скамака и Траоре направија целосен пресврт.
Бод за Салернитана спаси Босанецот Ѓуриќ во 81.минута, откако претходно Сасуоло остана со играч помалку на теренот.
Специја, против директниот конкурент во борбата за опстанок, Каљари, забележа важна победа. Ерлиќ и Минај во второто полувреме ги постигнаа головите.
Специја се 15. со 29 бода, Каљари се две позиции подолу со 25 бода.