Франк Рибери вели дека играњето за Баерн Минхен нема да биде исто оваа сезона бидејќи во тимот ќе го нема добриот пријател, Чилеанецот Артуро Видал.
31-годишниот Видал е соиграч на Рибери откако дојде од Јувентус во 2015 година, освојувајќи три титули од Бундеслигата, но Чилеанецот сега доби шанса да заигра за Барселона и францускиот ветеран му прати порака на шпански преку Твитер.
„Брату, не знаеш колку ќе ми недостасуваш. За мене ти си најдобриот, човек со вредности и со принципи и навистина сум горд што играв покрај тебе. Ти посакувам најдобро во иднината, бидејќи ти си воин, нешто што станува многу ретко во нашиот спорт“, напиша Рибери на Твитер.
Hermano no sabes a que punto te voy a echar de menos! Para mi eres el mejor, un hombre de valores y principios. Estoy muy orgulloso de haber jugado a tu lado! Te deseo lo mejor para tu futuro, eres un guerrero y eso se encuentra poco en nuestra profesión. ???? @kingarturo23 pic.twitter.com/eq7M8i29er
— Franck Ribéry (@FranckRibery) August 3, 2018