Нејмар по само една сезона ќе го напушти ПСЖ, убеден е Ривалдо. Некогаш најдобриот светски фудбалер смета дека неговиот млад сонародник нема што да бара во Париз и дека таму само си го губи времето.
„Веќе кажав дека тој може да биде најдобриот во светот, но тоа нема да го постигне доколку остане во ПСЖ“, рекол Ривалдо.
Поранешниот играч на Барселона и светски првак со Бразил од 2002 година е сигурен дека Нејмар ќе се врати во Шпанија, но не на „Ноу Камп“.
Нејмар нема да се врати во Барселона. Неговата ситуација таму беше комплицирана. Според информациите што ги имам и поради она што го слушам во изминатиот период мислам дека тој веројатно ќе се реши за Реал Мадрид. Верувам дека таму може да стане најдобар во светот“, рекол Ривалдо.