Мора да има нешто во гените. Кристијано Роналдо јуниор очигледно наследил дел од квалитетите на својот татко, откако фудбалерот на Реал Мадрид го сподели видеото во кое неговиот седумгодишен син постигнува фантастичен гол на песочен терен во Мадрид.
Седумгодишниот јуниор веќе покажа дека знае со топката, кога по триумфот на Реал Мадрид во финалето на ЛШ во Кардиф шутираше на голот, но сега подобро се гледа неговиот талент. Или како што коментира еден негов навивач: „Јас го гледав Кристијано, моите деца ќе го гледаат Кристијано јуниор“.