И покрај тоа што неколку пати изјави дека би сакал да игра во шпанската лига, Мохамед Салах е загрижен дека Ливерпул ќе го продадат ова лето за да искористат шанса да „искешираат“ на напаѓачот.
Египќанецот во декември призна дека би сакал да игра во шпанските гиганти Реал Мадрид и Барселона, а три месеци подоцна, во интервју за „Марка“ призна дека Шпанија е можеби неговата следна дестинација.
28-годишниот Салах има договор со Ливерпул до летотот 2023 година, и според „Атлетик“ верува дека актуелните шампиони од Премиер лигата размислуваат за продажба, иако тој не сака да „турка“ ваков договор.