Официјалните лица на саудискиот Ал-Итихад веќе се во Англија во последен обид да го добијат трансферот на Мохамед Салах од Ливерпул за 200 милиони фунти пред крајот на преодниот рок во нивната лига, тврди „Дејли мејл“.
Ливерпул веќе јасно кажаа дека не планираат да го продадат египетскиот напаѓач, а менаџерот Јирген Клоп во неделата кратко изјави дека „тој е со нас и сака да игра со нас“. Слични изјави дадоа и соиграчите на Салах, Енди Робертсон и Доминик Собослаи, но самиот фудбалер не се јави со изјава.
Според „Дејли мејл“, Ал-Итихад се подготвени да го срушат светскиот рекорд за фудбалски трансфери, нудејќи спектакуларни 200 милиони фунти на „црвените“, кои и покрај важноста на Салах во тимот на Клоп, се тешко да се одбијат за играч кој има над 30 години.
Преодниот рок во Европа веќе заврши, но во Саудиска Арабија имаат последен рок до четврток да донесат нови играчи.