Милан се на чекор од обновувањето на договорот на Златан Ибрахимовиќ на уште една сезона, откако двете страни се согласиле да се „сретнат на средина“ и да му одредат годишна плата на Швеѓанецот од 6 милиони евра, јавува „Калчомеркато“.
Спортскиот директор Паоло Малдини потврди дека главен приоритет ова лето на клубот е да се обезбеди останувањето на Златан, но претходните вести од Италија тврдеа дека тој бара 7.5 милиони евра по сезона, додека Милан се согласуваат на „само“ 5 милиони.
И покрај тоа што главната сума останува иста (5 милиони), 38-годишниот Ибра бил убеден откако клубот ги намалил условите под кои ќе му бидат активирани бонуси на Златан.