Шкотскиот шампион Селтик ја отвори новата сезона од Шкотската Премиер лига со убедлива 5:1 победа над новиот прволигаш Хамилтон.
Човек на мечот беше несомнено францускиот напаѓач Одсон Едуар, кој постигна хет-трик, а во листата на стрелците се запиша и Холанѓанецот Џереми Фримпонг, а свој деби-гол за зелените имаше Полјакот Патрик Климала.
Селтик ја освои деветтата титула едноподруго во Шкотска по прекинот на шампионатот поради корона вирусот, и сега оди на својата 52. титула во историјата.