Шефот на шпанската Ла лига, Хавиер Тебас, повторно јавно го критикуваше Јувентус и нивниот поранешен прв човек Андреа Ањели по скандалот околу финансиските нерегуларности во клубот од Торино, сметајќи дека така се докажало кој е корумпиран околу Европската Суперлига, чиј главен лик беше Ањели покрај претседателите на Барселона и Реал Мадрид.
„Трибуналот во Италија ќе одлучи кој е виновен, но тие се обидуваа да победат со фалсификување на своите сметки пред сопствените акционери. Ањели е човекот кој треба да биде лидер на Суперлигата? Дали нивната идеја за економска одржливост е да се фалсификуваат сопствените сметки? Тие ги обвинуваа УЕФА дека се корумпирани, да прашаме, кој сега е корумпиран? Немаат авторитет да зборуваат за интегритет и корупција“, вели Тебас.