Агентот Клаудио Вигорели вели дека „сите врвни клубови“ биле заинтересирани за талентот на Рома, Николо Заниоло пред неговата сериозна повреда на коленото.
Поранешниот фудбалер на Интер се пресели во Рома во јули 2018 година и беше редовен стартер кога ги повреди лигаментите на десното колено против Јувентус во јануари. Тој успеа да се врати пред крајот на сезоната 2019/20, пред повторно да ги повреди лигаментите, овојпат во левото колено додека играше за Италија во мечот со Холандија минатиот месец. Заниоло се надева дека ќе се опорави пред Европското првенство следната година.
„Сите врвни клубови беа заинтересирани за Николо. Тогаш дојде повредата, па корона вирусот, а Рома добија нови сопственици. Николо е подобро и се надева на брзо враќање, иако лекарите му советуваат да биде трпелив. Новиот сопственик на Рома, Ден Фридкин го стави Николо во центарот на неговиот проект и горди сме за тоа. Ќе видиме што ќе носи иднината“, вели Вигорели.