Вотфорд и Лестер одиграа 1:1 во првиот меч од саботната програма во Премиерлигата. Лестер сега има шест поени повеќе од Челси и осум од Манчестер Јунајтед во борбата за пласман во Лигата на шампионите, додека Вотфорд со 28 поени се во долниот дел на табелата и до крајот ќе водат борба за опстанок.
Дуелот на „Викариџ Роуд“ беше решен во самиот финиш на натпреварот, откако претходно Вотфорд 75 минути беа подобриот тим на теренот. Исмаел Сар имаше „еден на еден“ со Шмајхел во првото, а Дукуре во второто полувреме, додека играчите на Лестер се разбудија во последните 15 минути. Олбрајтон го погоди дирекот, а Фостер веднаш потоа го одбрани ударот на Медисон.
На почетокот на 90 минута Бен Чилвел со брилијантен удар го совлада Фостер и му донесе предност на Лестер.
Сепак домаќините успеаја да освојат еден бод благодарение на голот со ножички што го постигна Досон во 93 минута.