Денис Суарез изразил желба да ја напушти Барселона во овој преоден рок. Тој сакал трансфер во Арсенал, кај својот поранешен тренер Унаи Емери.
Суарез има 25 години, има успешни сезони во Севилја и Вилјареал, меѓутоа за две сезони во Барселона не успеа да се избори за место во тимот. Оваа сезона речиси е да не добива шанса од тренерот Ернесто Валверде.
Играчот од редот за врска минатиот месец неколку пати изјавил дека не е среќен во Барселона и дека сака да замине.
„Не сум среќен, сакам да играм. Јас сум фудбалер, а фудбалерите сакаат да играат фудбал. Се надевам дека од јануари ќе имам можност да играм повеќе“, изјавил кон крајот на минатата година Денис Суарез.
Арсенал испратиле понуда до Барселона во врска со овој фудбалер. Планот на „топџиите“ е да го позајмат Денис Суарез до крајот на сезоната, а потоа да го откупат неговиот договор за 18 милиони евра.
Интерес за фудбалерот покрај Арсенал има и кај Милан, односно Рома.