Свонси го вратија во својот тим напаѓачот од Гана, Андре Ају од Вест Хем јунајтед во рекорден трансфер на велшкиот премиерлигаш.
Според британските медиуми договорот вреди 18 милиони фунти, а ќе достигне до 20 милиони кога ќе се исплатат бонусите, што всушност претставува иста сума која „чеканите“ ја платија за него во 2016 година.
„Ају потпиша три и пол годишен договор на ’Либерти’“, објавија од Свонси.
Со овој потег 28-годишниот Ају ќе се „обедини“ со својот помлад брат Џордан, кој во последните натпревари е најдобар стрелец на „лебедите“. Андре Ају постигна 12 гола во 34 настапи за Свонси во сезоната 2015/16.
We can’t wait to see @AyewAndre back in a #Swans shirt! ⚪️ pic.twitter.com/0Ps1hQaSKp
— Swansea City AFC (@SwansOfficial) January 31, 2018