Тиквеш и Скопје го отвораат 22.коло во Првата фудбалска лига

Екипите на Тиквеш и Скопје го стартуваат 22.коло во Првата фудбалска лига, последно од првиот круг на натпреварувањето. Натпреварот ќе се игра на Градскиот стадион во Кавадарци, со почеток во 14 часот.

Ова е значаен дуел во борбата за опстанок, со оглед дека двете екипи ги делат само три бода на првенствената табела. Доколку победи Тиквеш, ќе успее да го надмине Скопје на табелата.

Останатите натпревари од 22. коло во Првата лига се играат утре, а се среќаваат: Академија Пандев – Борец, Струга ТЛ – Македонија ЃП, Работнички – Шкендија, Брегалница – Пелистер, Ренова – Шкупи.