Тиквеш стигна до убедлив триумф над Скопје, совладувајќи го со 3-0 на Градскиот стадион во Кавадарци. Ова беше прв меч од 22.коло во Првата фудбалска лига.
По оваа победа, фудбалерите на Тиквеш се искачија позиција погоре на табелата, прескокнувајќи го токму денешниот ривал Скопје.
Анаел Барга Нгоба во 45.минута донесе водство за Тиквеш, откако ФК Скопје по половина час игра остана со фудбалер помалку. Христијан Димов доби два жолти картони и беше исклучен.
Во вториот дел, Нгоба го постигна својот втор гол во 60.минута, а Кристијан Ризов го постави конечниот резултат во 88.минута.
Останатите натпревари од 22.коло се играат утре.
Standings provided by SofaScore LiveScore