Според италијанскиот спортски весник „Ла газета дело спорт“, Тотенхем веќе подолго време се заинтересирани да го сменат Жозе Мурињо со Маурицио Сари и веќе следната недела ќе имаат состанок со италијанскиот стручњак.
Сари уште е под договор со Јувентус, иако „бјанконерите“ го отпуштија минатото лето по освојувањето на титулата од Серија А. Сари исто така е поврзуван со Рома, каде што фудбалот му е поблизок, но предизвикот во Премиер лигата по авантурата со Челси уште стои.
Позицијата на Жозе Мурињо секој ден е се понестабилна, откако им престои голем предизвик да обезбедат топ 4 пласман и место во Лигата на шампиони. Според „Газета“, Тотенхем уште во 2018 година биле заинтересирани за Сари, пред тој да пристигне во Челси.