Натреварот против Арсенал потврди дека овој состав на Манчестер Јунајтед предводен од Оле Гунар Солскјер е далеку од борбата не за врвот, туку за местата што водат во Лигата на шампионите. Злобниците дури коментираат дека „црвените ѓаволи“ сезоната нема да ја завршат ниту меѓу најдобрите шест тима.
По седум кола Манчестер Јунајтед успеале да освојат девет од можните 21 бодови и се наоѓаат на десеттото место на табелата.
Последен пат Јунајтед по седум кола немале двоцифрен број на освоени бодови во сезоната 1989/1990. Таа сезона под водство на Алекс Фергусон „црвените ѓаволи“ ја завршиле на 13 место на табелата.