Томас Тухел му вети на газдата на Челси, Роман Абрамович, дека ќе „остане гладен“ откако ја донесе титулата во Лигата на шампионите и заработи нов договор од рускиот милијардер.
Според „Гол“, новиот договор на германскиот стратег е само формалност, откако тој од преземањето на клубот од Френк Лампард во јануари, успеа да обезбеди топ 4 пласман, како и титула од ЛШ.
„Можам да го уверам Роман дека ќе останам гладен. Ја сакам следната титула и апсолутно сум пресреќен што сум дел од амбициозен тим со силни фудбалери кои ја сфаќаат мојата верба и страст кон модерниот фудбал. Желбата е да се оди на нови победи. Мојата желба да се развивам како тренер и да го туркам тимот е тука од првиот ден. Имаме работа, треба да ја надополниме разликата во лигата и подготвен сум за тоа“, вели Тухел за официјалниот веб-сајт на Челси.