Турскиот фудбалски клуб Касимпаша го отпушти тренерот во рекорден рок, по само 4 часа.
Ибраим Узулмес (45) се договори со управата на турскиот прволигаш Касимпаша, па и беше претставен на јавноста и на медиумите.
Турчинот со клубот се договорил на едногодишна соработка, а малку кој претпоставуваше дека соработката ќе трае само околу 4 часа.
Како што пренесуваат турските медиуми, Узулмес бил претставен вчера во 12 часот, а договорот е раскинат во 16:36.
Од клубот како причина за раскинот на договорот наведоа „неспоразум околу договорот“.
„Постоеја недоразбирања околу договорот, поради кои клубот одлучи да ја прекине соработката со Узулмес“ – неведе во соопштението клубот од Истанбул.
Касимпаша минатата сезона ја заврши на 14 мест, две места над зоната за испаѓање.