Сите шпекулации дека Самуел Умтити следната сезона ќе игра во Премиер лигата „паднаа во вода“ откако Французинот потпиша петгодишно продолжување на договорот и сега останува на „Ноу Камп“ до 2023 година.
24-годишниот Умтити се покажа како одлично засилување на Барса, работејќи во партнерство со Жерард Пике, откако пристигна во Барселона од Лион во 2016 за 25 милиони евра. Тој е дел од француската репрезентација за СП во Русија и се очекува да има стартно место покрај Рафел Варан од Реал Мадрид.
„Јасно е дека сакам да останам во Барселона и следната сезона. Сега сум во клубот кој ми ги остварува соништата. Доколку не решат да ме исфрлат низ врата, јас останувам“, изјави Умтити минатата недела.
Фото: ЕПА
[BREAKING NEWS]
We are delighted to announce @samumtiti has renewed his contract at @FCBarcelona until 2023!
? #Umtiti2023 pic.twitter.com/ev2GKDqZOj— FC Barcelona ?? (@FCBarcelona) June 3, 2018