Дефанзивецот на Ливерпул, Холанѓанецот Вирџил Ван Дајк е прогласен за најдобар фудбалер во сезоната 2018/2019 во Премиерлигата. Тој е првиот одбранбен играч кој се закитил со ласкавото признание по Винсент Компани кој беше лауреат во 2012 година.
Ван Дајк сезонава одигра 37 натпревари за Ливерпул во Премиерлигата, а денеска во 16 часот треба да го одигра последниот овосезонски меч. Притоа дефанзивецот постигна 4 гола и имаше 2 асистенции.
Тој во финалниот избор собра повеќе гласови од конкурентите Садио Мане, Еден Азар, Серхио Агуеро, Рахим Стерлинг и Бернардо Силва.
Фудбалеот на Ливерпул сезонава беше избран и за играч на сезоната и од Здружението на професионални фудбалери во Англија.
Ladies and Gentlemen,
Announcing your 2018/19 @EASPORTSFIFA Player of the Season…. @VirgilvDijk! pic.twitter.com/LfjdSo9q0G
— Premier League (@premierleague) May 12, 2019