Легендарниот менаџер на Арсенал, Французинот Арсен Венгер рече дека белгискиот фудбалер Еден Азар не може да го замени Кристијано Роналдо во редовите на Реал Мадрид. Французинот смета дека Белгиецот не може да постигнува толку многу голови, како што правеше Португалецот.
„Азар ќе биде sвезда во Реал, но тој нема да ја пополни празнината што се направи по напуштањето на Кристијано. Азар ќе решава исходи од натпревари, но нема да може да постигне 50 гола на сезона. На Реал Мадрид му треба уште еден напаѓач, бидејќи Бензема веќе има 32 години. Ако тимот има уште еден млад напаѓач со кој може да игра, работите може да одат подобро. Азар е исклучителен играч кој создава позиции и понекогаш сам ги завршува нападите. Тој не се плаши од никого. Неговата форма треба да се подобри и тогаш тој ќе го покаже своето вистинско ниво“ – рече Венгер за „Беин спортс“.
Венгер: Азар не може да ја пополни празнината на Роналдо во Реал
