Поранешниот капитен на Манчестер Јунајтед, Немања Видиќ, во анкетата на „Твитер“ што ја спроведе Скај Спорт е избран за најдобар одбранбен играч во историјата на Премиер лигата.
Видиќ дресот на „црвените ѓаволи“ го носел во периодот од 2006 до 2014 година и освоил 15 трофеи, меѓу кои се пет во Премиер лигата и еден во Лигата на шампионите.
Во „Твитер“ анкетата гласале 51.394 лица, а Видиќ добил 55 отсто од гласовите. Поранешниот српски репрезентативец во анкетата го победил Вирџил ван Дајк, кој две сезони е столб на одбраната на Ливерпул, а пред две недели го доби признанието за најдобар играч во Лигата на шампионите во минатата сезона.
Here we go, it's the final! ?
We've had hundreds of thousands of votes and we're down to our final 2⃣…
Who wins the Premier League's greatest ever centre-back award? ?
— Sky Sports News (@SkySportsNews) September 11, 2019
Немања Видиќ во кариерата одиграл 300 натпревари за Манчестер Јунајтед, на теренот минал повеќе од 25.000 минути и постигнал 21 гол за славниот клуб.