Тренерот на Ница, Патрик Виера, човек кој беше познат по својот темперамент, толку ги загуби нервите со италијанскиот напаѓач Марио Балотели што би сакал да го тресне на ѕид, но не може да го направи тоа бидејќи веќе не е фудбалер.
Италијанското „чудо“ Балотели продолжува да ги нервира сите менаџери со кои работел, и Виера во интервју за „Л’Екип“ признава дека не му е лесно.
„Кога се работи за Марио, сакам да му вратам, или само да го треснам на ѕид или да го обесам на закачалка, но веќе не можам да го направам тоа, бидејќи не сум фудбалер. Морам да размислам двапати бидејќи тоа може да има влијание и ризикувам да загубам голем фудбалер. Не сакам да кажам нешто за што ќе зажалам и сакам да бидам конструктивен“, вели Виера.
Според весникот „Журнал ду диманш“, повторно имало два инциденти кои Ница се обиделе да ги „заташкаат“. Беше познато дека Балотели се налути кога беше заменет на мечот со Ним на 10 ноември, но сега весникот тврди дека тој ја искршил соблекувалната и одбил да го исчисти хаосот.
По 0:0 ремито со Генгамп пак, Италијанецот си заминал додека Виера го држел тимскиот договор за да оди во тоалет.
Балотели нема ниту еден постигнат гол оваа сезона.