Крилниот напаѓач на реал Мадрид, Винисиус Жуниор, ги отфрлил шпекулациите кои го поврзуваат со Пари Сен Жермен. Бразилецот е играч на Реал од 2018 година, со ПСЖ тој се поврзуваше во текот на зимскиот преоден рок. Голем фан на неговата игра бил спортскиот директор на „светците“ Леонардо.
Шпанските медиуми го поврзуваат Винисисус со ПСЖ. Според нив Реал би го искористиле Бразилецот во евентуалниот трансфер на Килијан Мбапе. Шемата е јасна, од Мадирид во Париз би била испратена понуда во кеш плус Винисисус Жуниор за Килијан Мбапе.
Сепак се поставува прашањето колку е реален овој трансфер, бидејќи од ПСЖ неколку пати изјавиле дека нема да го продаваат Мбапе, а и доколку се случи тоа дека сумата нема да биде помала од 300 милиони евра.
„Нема што да избирам. Сакам да останам во Мадрид. Не одам никаде“, рекол младиот Бразилец по синоќешната елиминација на Реал од Купот на Кралот.