Един Вишќа постигна хет-трик за Босна и Херцеговина со 3:1 да ја совлада Јужна Кореја во пријателскиот меч во Џеонџу и да им ги расипе подготовките за Мундијалот.
Во последниот меч пред својата публика пред СП, Корејците изгледаа слабо, посебно во одбраната, дозволувајќи му на крилото на Башакшехир да стигне до одлични три гола и да донесе импресивна победа на тимот на селекторот Роберт Просинечки.
Кореја ќе продолжи со подготовките во Австрија, а се наоѓа во тешката група Ф со Германија, Шведска и Мексико.
Фото: ЕПА