Фудбалскиот клуб Ливерпул успеа да ги навреди навивачите на Наполи и жителите на Неапол, откако и официјално ги предупредија нивните навивачи дека ако патуваат на гостувањето во Лигата на шампиони „можат да бидат мета на грабеж или напад“.
Пред мечот на социјалните мрежи Ливерпул им советуваше на своите навивачи да не ги носат тимските бои, да останат во сопствените хотели и таму да јадат и пијат, нешто што предизвика негативно внимание во Италија.
„Фановите не треба да се собираат на јавни места и да избегнат да остнат изолирани во делови од градот кои не се на пристаништето. Ви советуваме да го избегнувате градскиот центар. Ако решите да го посетите, бидете свесни дека можете да бидете мета на грабеж или напад“, се вели во објавата на Ливерпул.
Fans should not congregate in public areas and should avoid becoming isolated in areas away from the port area of the city. We strongly recommend you avoid the city centre. If you chose to visit, please beware that you may be targeted for theft, robbery, or assault.
— Liverpool FC Help (@LFCHelp) September 6, 2022
Јирген Клоп не беше импресиониран кога беше запрашан дали Неапол е „опасен“ град.
„Тоа е засрамувачко прашање. Сакате да создавате насловни страници. Не сфаќам. Дали сте од Неапол? Дали вие мислите дека Неапол е опасен град? Јас не живеам тука, туку сум заштитен, одам во хотелот и на стадионот. Знаете за што зборуваат луѓето. Ако некои навивачи се сретнат со некои навивачи тогаш нешто може да се случи. Нема врска со граддот. Не сум тука да ви давам насловни страници“, изјави луто Клоп.