Златан Ибрахимовиќ се враќа во Манчестер јунајтед со една цел – да се освои титулата од Премиер лигата, и ниту долгото опоравување од повредата на коленото нема да го спречи да го направи тоа.
36-годишниот поранешен шведски капитен е во „аут“ откако ги скина лигаментите во коленото при четврт-финалето од Лигата на Европа против Андерлехт во април.
Now he cant run away. @D_DeGea @ericbailly24 @ManUtd pic.twitter.com/5dpgWWhPyg
— Zlatan Ibrahimović (@Ibra_official) October 24, 2017
„Кажав дека ќе се вратам да го завршам тоа што го почнав. Сè што градев минатата сезона доби неславен крај, иако Јунајтед освои три трофеи. Целта е Премиер лигата. Тоа морам да го завршам. Сè што почна во првата сезона ќе го завршиме во втората“, вели Ибрахимовиќ во интервју за „Скај спорт“ со француската фудбалска легенда, Тјери Анри.
Повредата фрли сенка на иднината на Ибрахимовиќ во Јунајтед, бидејќи тој имаше само едногодишен договор, но Швеѓанецот вели дека поради тоа работите се поедноставни.
Great day with @Ibra_official today. What a player but what a man! See the interview on @SkySportsPL from 11.30am on Saturday pic.twitter.com/vtp30blvBZ
— Thierry Henry (@ThierryHenry) October 26, 2017
„Во тој момент беше полесно да кажам дека ќе се вратам бидејќи имав предизвик пред мене. Предизвикот беше во тоа што претходно немав некоја поголема повреда, така што веднаш сите зборуваа дека сум престар, дека е готово. Тоа ми даде енергија и цел. Нема да си отидам куцајќи, туку на начинот на кој сакав. Дури и да треба да одам по вода“, завршува Ибрахимовиќ, кој според најавите би требало да се врати на фудбалот пред Нова година.