„Што е ова?“, било најчесто прашањето на американските кошаркарски фанови кои го следеле дуелот помеѓу Индијана и Сакраменто, односно првиот НБА дуел помеѓу играчите кои носат исто презиме, Богдановиќ.
Хрватот Бојан Богдановиќ со Индијана славеше над Сакраменто 101:83, чиј дрес го носи Србинот Богдан Богдановиќ.
Бојан мечот го заврши со 17, а Богдан со седум поени.
„Богдановиќ постигнува тројка, а на спротивната страна враќа Богдановиќ“, рекол коментаторот.
Bogdan Bogdanovic and Bojan Bogdanovic guarding each other is just so amazing.
— Ben Dowsett (@Ben_Dowsett) November 1, 2017
По мечот Бојан морал на Американците да им објасни дека со Богдан не се во роднинска врска.
„Не, не сме роднински поврзани. Тоа прашање ми го поставија и во соблекувалната, соиграчите заедно со тренерскиот тим“, рекол 28-годишниот Бојан, кој потоа пофално се изразил за квалитетите на 25-годишниот Богдан, инаку најскапиот дебитант во историјата на НБА лигата.
„Во Европа игравме многу натпревари еден против друг, како на клупско така и на репрезентативно ниво. Тој е одличен играч, еден од најдобрите европски кошаркари минатата година и драго ми е што дојде во НБА лигата“, рекол Бојан Богдановиќ.