Американскиот кошаркар Сони Вимс во саботата потпишал договор со Анадолу Ефес, објави клубот од Истанбул на својата интернет страница.
Amerikalı gard Sonny Weems ile sezon sonuna kadar geçerli sözleşme imzaladık. Takımımıza hoş geldin Sonny! #Welcome pic.twitter.com/7r1Yif0NnD
— Anadolu Efes SK (@AnadoluEfesSK) February 24, 2018
Искусниот бек шутер од јули 2017 година играше во Кина, во екипата на Жеиџијанг Голден Булс, а во кариерата има настапувано за Денвер Нагетс, Торонто Репторс, Жалгирис, ЦСКА Москва, Феникс Санс, Филалделфија и Макаби.
Макаби во јануари минатата година го раскина договорот со Вимс, откако кошаркарот одби да се појави на допинг контролата.
Поради тоа ФИБА му изрече четири годишна суспензија и тој до 2021 година не смее да игра во натпреварувањата кои ги организира светската кошаркарска организација.
Вимс во Кина во просек по натпревар постигнувал по 30,9 поени.
Американецот со Анадолу Ефес потпишал договор до крајот на сезоната, клубот го ангажираше како замена за повредениот Словенец Зоран Драгиќ.