Поранешната НБА ѕвезда, Најт Робинсон (36) се подготвува за своето деби во боксерскиот ринг, на 28 идниот месец. Екс-кошаркарот кој ќе остане запаметен по ѕверските забивања иако има само 175 сантиметри (трипати триумфираше во натпреварот во забивање на Ол-стар викендите) ќе ги вкрсти ракавиците со видео-блогерот Џејк Поло.
Нивната борба ќе биде увертира за спектаклот – Мајк Тајсон против Рој Џонс Јуниор.
Поголемиот дел од кариерата ја помина во Њујорк Никс, а играше и за Бостон, Оклахома, Голден Стејт, Чикаго, Денвер, Клиперси и Њу Орлеанс Хорнетс.
Во НБА одигра 618 меча и просечно постигнуваше по 11 поени, 3 асистенции и 2 скока на меч.
Еве дел од неговите легендарни забивања: