Шпанска Барселона тргна со брејк кон освојувањето на нова титула во шпанскиот кошаркарски шампионат, и тоа токму од Мадрид.
По загубеното финале во Евролигата (Ефес), кошаркарите предводени од Шарунас Јасикевичиус вечерва како гости во главниот град славеа со 89-75 (15:20, 18:16, 29:16, 27:23) против Реал.
Сега Барса има се во свои раце, затоа што плеј-офот е скратен, па во вторник се игра вториот меч од финалната серија подобар во две победи.
Одбраната на Реал вечерва немаше решение за играта на Хигинс кој мечот го заврши со 25 поени. Дејвис уфрли 13, додека Ник Калатес 12. Ветеранот По Гасол за 16 минути на паркетот беше близу до дабл-дабл учинок
Кај „кралевите“ Таварес мечот го заврши со 16 поени и 11 скока, а Руди Фернандес уфрли 10 поени.