Во рамки на подготовките за Светското кошаркарко првенство што за две недели започнува во Кина, селекциите на Црна Гора и на Франција ги одмерија силите во Лион. Французите излегоа како победници, со резултат 80-72 иако Црногорците водеа во поголемиот дел од мечот.
На почетокот на последната четвртина, резултатот на семафорот беше 59-51 за Црна Гора.
Сепак, фаворитот заигра одлично кога беше најпотребно и успеа за 10 минути да направи разлика од 16 поени.
Најефикасен во победничката екипа беше Батум со 18 и Фурние со 17 поени.
Кај Црна Гора се истакнаа Вучевиќ и Дубљевиќ со по 12 поени.
Селекцијата на Црна Гора денеска игра подготвителен меч против Аргентина која вчера доживеа пораз од Бразил со 89-82.
Particulièrement adroit derrière la ligne à 3 points ce soir, le capitaine des Bleus @nicolas88batum est élu MVP @Pierre_Lannier de la rencontre face au Monténégro ???? pic.twitter.com/jMI6FgrnV4
— Team France Basket (@FRABasketball) August 15, 2019