Кошаркарскиот клуб Фенербахче денеска соопшти дека потпишал повеќегодишен договор со играчот Бонзи Колсон.
Колсон пристигнува во Фенербахче од Макаби Тел Авив, каде ги мина последните две сезони.
Овој 28-годишен кошаркар минатата сезона во Евролигата имаше просек од 12,6 поени и 5,3 скока по натпревар. Во двете сезони му помогна на клубот од Тел Авив да стигне до плејофот на Евролигата и да ја освои израелската лига.
Фенербахче ќе биде трет турски клуб за Колсон во кариерата, бидејќи претходно настапуваше за Дарушафака и Каршијака.