Хрватска е на чекор од пласман на Евробаскетот во 2021 откако со 79:62 ја совладаа Турција во квалификациите и покрај присуството на Шејн Ларкин.
Ова беше трета победа едноподруго за „коцкестите“, на кои сега им е потребна една победа во мечевите со Шведска или Холандија за да се пласираат на првенството. Миро Билан постигна фантастични 30 поени и 12 скокови, Жељко Шакиќ додаде 17 поени, додека кај Турција најдобри беа Мелих Махмутоглу со 14 поени и Шејн Ларкин со 12 поени.
Уште поголемо изненадување направи Летонија, откако со 77:66 ја совлада фаворизираната Грција за да ја искомпликува ситуацијата во групата Х, каде што се уште Босна и Херцеговина и Бугарија.
Летонците имаа неверојатни 20 поени предност во второто полувреме, пред тие да се вратат на 50:64. Мартинс Лакса имаше 19 поени, додека Димитрос Аграванис за Грците беше најефикасен со 15 поени.
КВАЛИФИКАЦИИ ЗА ЕВРОБАСКЕТ 2021
Холандија – Шведска 78:76
Чешка – Белгија 62:90
Хрватска – Турција 79:62
Грција – Летонија 66:77
Велика Британија – Франција 56:79
Литванија – Данска 76:80