Српскиот кошаркарски интернационалец, Никола Калиниќ, доскорешниот играч на Валенсија наредната сезона ќе игра за тимот на Барселона, пишуваат српските медиуми.
Поранешното крило на Црвена Звезда и Фенербахче по заминувањето од Истанбул ја договори соработката со тимот на Валенсија, но по само една година, ќе ја промени средината.
Се споменуваше и можност за трансфер во Партизан кај неговиот поранешен тренер од Фенер, Жељко Обрадовиќ, а помалку срамежливо се најавуваше и враќање во редовите на „црвено-белите“ од Белград.
Сепак информациите се дека одлуката паднала на Барса.
Во сезоната која заврши Калиниќ просечно имаше по 10,4 поени, 3,4 скока и 3,2 асистенции во Евролигата.