Кошаркарот на Кливленд Кавалирс, Тристан Томпсон, поради повреда од НБА терените ќе отсуствува помеѓу три и четири недели.
Томпсон, во средата на натпреварот со Индијана Пејсерс (107:124), го повреди листот на левата нога, поради што теренот го напушти во втората четвртина.
Центарот на Кавалирс сезонава има просек од 4,4 поени и 6,4 скока по натпревар.
Вицешампионот Кливленд лошо стартуваше во новата сезона, по осум натпревари има скор од три победи и пет порази и се наоѓа на 13 место во Источната конференција.