Кошаркарот на Анадолу Ефес Шејн Ларкин ќе ги брани боите на репрезентацијата на Турција, потврдил Американецот на својот профил на „Твитер“.
Тековната сезона во Евролигата минува во знакот на Ларкин. Го собори рекордот според бројот на постигнати поени на еден натпревар, а потоа четири пати во низа беше МВП на колото.
Неговите настапи ги натераа Турците да му понудат државјанство, а бидејќи тој често истакнува дека Турција му е втор дом, без размислување ја прифатил понудата.
За да добие турско државјанство и пасош на оваа држава се ангажираше и претседателот на државата Реџеп Таип Ердоган.
„Задоволство ми претставува што ја добив честа да ја претставувам оваа земја и и што ќе му се приклучам на турскиот национален тим. Возбуден сум што ќе го облечам дресот со турскиот грб. Со гордост ќе го носам со своите соиграчи“, напишал Ларкин.
I am honored and humbled to have an opportunity to represent this country by joining the Turkish National Team. Extremely excited to wear this jersey with the Turkish Flag across my chest with pride. pic.twitter.com/YusbpuixiJ
— Shane Larkin (@ShaneLarkin_3) February 1, 2020