Лос Анџелес Лејкерс забележаа победа во Далас, во дербито на вечерта во НБА-лигата. Лејкерс ги совладаа Маверикс со 129:114.
Дуелот во Далас Лејкерс го решија во првиот период во кој постигнаа 45 поени и создадоа предност од 18 поени. „Езерџиите“ имаа предност од 21 поен (79:58) на полувреме. Во вториот дел рутински ја одржуваа разликата.
Леброн Џејмс ги предводеше Лејкерси со 35 поени, 16 скока и седум асистенции. Леброн помош доби од Кајл Кузма кој постигна 26 поени. На споритвната страна Лука Дончиќ забележа 25 поени, 10 скока и седум асистенции.
Словенецот беше исфрустриран од настаните на теренот, а во финишот на првото полувреме кога промаши од линијата за слободни фрлања го искина својот дрес.
Luka Doncic really ripped his jersey after missing 2 FTs ?? pic.twitter.com/m79TsejoKk
— Ball Realm (@TheBallRealm) January 11, 2020
Победа синоќа забележа и вториот тим од Лос Анџелес. Клиперс, без повредниот Пол Џорџ, со многу проблеми успеаја да ги победат Голден стејт Вориорс со 109:100.
Кавај Ленард запиша 36 поени, девет скока и пет асистенции, а на спротивната срана Омари Спелман и Глен Робинсон постигнаа по 17 поени.
Убедлив триумф запишаа кошаркарите на Милвоки Бакс против Сакраменто Кингс 127:106. Најдобриот тим на Истокот и покрај лошото издание на Јанис Адетокумбо лесно се справи со Сакраменто.
Јанис мечот го заврши со 13 поени и 10 скока. Бакс до победата ги предводеа Крис Мидлтон со 27 и Ерик Бледсо со 24 поени. Кај Сакраменто со по 19 поени се истакнаа Диарон Фокс и Херосон Барнс.
Резултати:
Вашингтон-Атланта 111:101
Њујорк-Њу Орлеанс 111:123
Бруклин-Мајами 117:113
Чикаго-Индијана 105:116
Мемфис-Сан Антонио 134:121
Финикс-Орландо 98:94
Јута-Шарлот 109:92