Кошаркарите на САД забележаа лесна победа над Бразил 89:73 во последниот натпревар од втората фаза на Светското првенство во Кина. Американците го освоија првото место во својата група и во четврт-финалето ќе играат против Франција.
Бразилците добро се држеа против фаворизираните Американци речиси до финишот на третата четвртина, кога играчите на Грег Поповиќ прв пат стекнаа двоцифрена предност.
Кога резултатски се „одлепија“ Америнакците искусно ја одржуваа предноста и го финишираа мечот.
Бразилците во 13 минута играа без својот селектор Александар Петровиќ. Хрватскиот тренер беше исклучен поради две технички грешки.
Brazil coach Aleksander Petrovic was ejected in the 2nd quarter after receiving his 2nd technical foul.
Team USA is in a close one with Brazil, streaming now on ESPN+ https://t.co/rdE5eFQ9sJ pic.twitter.com/QpC3iPJzbL
— SportsCenter (@SportsCenter) September 9, 2019
Мајлс Тарнер со 16 поени и 8 скока, односно Кемба Вокер со 16 поени беа најефикасни во редовите на САД, додека Виктор Бените со 18 поени го предводеше Бразил. Бените 14 поени постигна во првото полувреме (11 во втората четвртина) и тој беше човекот кој ги држеше Бразилците во мечот. Исто така се истакна и ветеранот Андресон Варежао со 14 поени, 7 скока и 3 брилијантни асистенции.