Втор пат во последните два месеци вандали го уништиле мурал на Леброн Џејмс во Лос Аџелес. Џејмс на почетокот на месецот го официјализираше четири годишниот договор со Лејкерс вреден 153,3 милиони долари.
Муралот кој е уништен го претставувал Леброн како со насмевка на лицето ги гледа великаните на Лејкерс Коби Брајант, Шекил О’Нил, Меџик Џонсон, Карим-Абдул Џабар и Вилт Чембрлен.
Автрот на муралот, долгогодишниот навивач на ЛА Лејкерс, Густаво Зермено истакнал дека Леброн доаѓа во Лејкерс почитувајќи ги легендите по чии стапки оди.
LeBron mural already getting defaced #la #lakers pic.twitter.com/64CgGnnRJT
— Mike Shab (@mikeshab) July 21, 2018
Меѓутоа некој се погрижил да го уништи муралот, истурајќи врз него бела боја. Уметникот потрошил пет дена, или 45 работни часа за да го наслика муралот.
На почеткот на месецот беше уништен муралот на локалниот уметник Џонас Нејвер, кој го насликал Леброн во дрес на Лејкерс под кој пишува „Крал на ЛА“.
Муралот беше оштетен со написите: „Не те сакаме“, „Не е крал“ и „3-6“. што алудира на негативниот скор што Леброн го има во финалињата во НАБ лигата.
Update on the Lebron Mural in LA..
What is wrong with people? pic.twitter.com/Wivcc14zAl
— GodZo? (@GodzoBall) July 11, 2018