Нигерискиот кошаркарски талент Абиодун Адегоке кој се обидува да се пробие на кошаркарската мапа е висок 236 сантиметри.
Со својата висина, Адегоке е 5 сантиметри повисок од легендите на НБА лигата – Ѓорѓе Мурешан и Мануте Бол.
За него не се знае колку точно години има, но според некои извори, се работи за тинејџер. Има и информации дека Нигериецот има 21 година.
Што се однесува за неговите квалитети, тие паѓаат во втор план по првиот поглед на него, пред се откако се гледа дека го забива баскетот во обрачот без да се одлепи од паркетот.
Непознаница е како ќе се развива неговата кошаркарска кариера.
Сонот е НБА лигата, но таму тешко дека би можел да е нешто повеќе од атракција, по примерот на 226-сантиметри високиот центар на Бостон Селтикс, Тако Фол.
Информациите се дека младиот Нигериец би можел да стане дел и од „Harlem Globetrotters“ каде веќе го има 236-сантиметри високиот Кинез, Сун Мингминг.