Навивачите од 28.март до 6.април гласаат за првата и втората петорка, составени од европски кошаркари кои играле во НБА лигата.
На списокот што го понуди НБА има 20 имиња. Дирк Новицки е еден од нив, според многумина тој е најдобриот Европеец што играч во НБА.
Легендарниот Германец и самиот решил да гласа. Вака изгледаат неговите петорки.
„Плејмејкер ќе биде Тони Паркер. Дражен Петровиќ е втор. Трет би бил Јанис Адетокумбо, а до него е Пау Гасол. И како петти, морам да го изберам Лука Дончиќ, тој е мој човек“, рекол Новицки и продолжил.
„Го обожувам Никола Јокиќ, тој е шести. И овој играч го обожував додека играше, тоа е Детлеф Шлемф. Голем навивач сум на Пеѓа Стојаковиќ. Тешко е ова, го сакам и Тони Кокоч и како последен ќе го изберам Арвидас Сабонис. Тоа е мојата десетка“.
Изборот на Дирк Новицки:
Прва петорка: Тони Паркер, Дражен Петровиќ, Јанис Адетокумбо, Пау Гасол, Лука Дончиќ
Втора петорка: Никола Јокиќ, Пеѓа Стојаковиќ, Детлеф Шлемф, Тони Кукоч, Арвидас Сабонис