Неверојатна партија одигра српскиот кошаркарски ас, Богдан Богдановиќ во дресот на Сакраменто Кингс на мечот одигран вечерва против Њу Орлеанс Пеликанс. „Кралевите“ триумфираа со резултат 140-125.
Српскиот бек на полувремето на мечот имаше уфрлено 24 поени во противничкиот кош, од кои дури 19 во првата четвртина. Имаше 5 тројки од исто толку обиди.
Bogdan Bogdanovic sets his career high for PTS (19) and 3PM (5) in a quarter❗️
Q2 underway on @NBATV pic.twitter.com/aPoZ4dcYdb
— NBA (@NBA) August 6, 2020
До полувремето Богдановиќ имаше 6 погодени тројки од 7 обиди, со вкупно 9/11 од игра, со што потполно „се извади“ за фијаското од пред 2 дена кога погоди само 1 шут од вкупно 15 обиди.
На крајот, српскиот ас мечот го заврши со 35 поени, 4 скока и 3 асистенции.
Со овој денешен триумф Кингси останаа во трката за плеј-офот.
Освен Богдановиќ кај Сакраменто одличен беше и Фокс со 30 поени и 10 асистенции, додека кај „Пеликаните“ најпрецизни беа Инграм и Вилијамсон со по 24 поени.