Српскиот плејмејкер Милош Теодосиќ потпишал тригодишен договор со италијанскиот Виртус Болоња, јавува сајтот „Еурохупс“, со што се обврзал следната сезона да не игра во Евролигата, бидејќи италијанскиот клуб е актуелен шампион од Лигата на шампиони на ФИБА.
32-годишниот Теодосиќ беше ослободен од Лос Анџелес клиперс по неуспешната НБА-авантура, и за него беа заинтересирани повеќе клубови, како ЦСКА Москва, Макаби Тел Авив и Олимпијакос.
Според „Еурохупс“ во тригодишниот договор нема клаузула за прекин на договорот, но во исто време Србинот ќе стане еден од најдоброплатените кошаркари во Европа, а Виртус се надеваат на враќање во Евролигата во 2020/21. Инаку, тренер во Виртус е сонародникот на Теодосиќ, српскиот селектор Александар Ѓорѓевиќ.
Milos Teodosic signing with Virtus Bologna
| Eurohoops https://t.co/M6gR4GTfnA
— Eurohoops.net (@Eurohoopsnet) July 13, 2019