Милош Теодосиќ се врати во тимот на ЛА Клиперс по повеќенеделната пауза поради повреда и беше еден од најзаслужните за победата над Торонто Репторс 96:91.
Торонто имаше предност во поголемиот дел од натпреварот, но Клиперси направија пресврт во финишот.
Првата од клучните две тројки ја постигна „Мастер Џедај“ како што соиграчите го нарекуваат Теодосиќ.
Master Jedi @MilosTedosic4 with the 3-?!#StarWarsNight#PrimeTicket pic.twitter.com/sj6wfQanjO
— LA Clippers (@LAClippers) December 12, 2017
Втората тројка српскиот плејмејкер ја погоди на помалку од минута до крајот на натпреварот. Интересно претходно Теодосиќ не погоди ниту една тројка од седум обиди.
Тој натпреварот го заврши со 12 поени и 7 скока. Кај Клиперси најистакнати поединци беа ДеАндре Џордан со 14 поени и 17 скока, односно Монтрезл Харел и Лу Вилијамс кои постигнаа по 17 поени.
“You will find that I’m full of surprises.” – @MilosTeodosic4#StarWarsNight#PrimeTicket pic.twitter.com/ZMFO2Xh3Ds
— LA Clippers (@LAClippers) December 12, 2017
„Дабл-дабл“ учинок кај Торонто оствари Јонас Валанчунас со 23 поени и 15 скока.
Клиперс ја прекинаа серијата од шест победи во која се наоѓаше тимот на Торонто.