Сите стравувања дека Рафаел Надал не е доволно подготвен за новата тениска сезона беа демантирани во понеделникот, кога светскиот рекет број 1 го отвори Австралија опен со рутинска 6:1/6:1/6:1 победа над Виктор Естрелја Бурхос.
Шпанецот оди на втора титула од Мелбурн, откако минатата година загуби во финалето од Роџер Федерер и немаше проблеми против 79-рангираниот тенисер од Доминиканската Република во својот прв меч по АТП финалето во Лондон во ноември.
„Среќен сум што се вратив вака силно и секогаш имам огромна поддршка во Австралија. Го сакам спортот и натпреварувањето, но атмосферата тука е нешто посебно. Стартот беше позитивен и тоа е најважно“, вели шампионот од 2009 година, кој сега ќе игра со Аргентинецот Леонардо Маер.