Чехинката Каролина Мучова ја декласираше четвртата носителка, Полјачката Магда Линете со 6:1/6:1 во финалето на Корејскиот опен во Сеул за да ја освои својата прва ВТА титула во кариерата.
Светската тенисерка број 45., Мучова, ја игра својата најдобра сезона во кариерата, откако играше и во финалето во Прага, освои 90 отсто од поените на прв сервис и не се соочи со ниту еден брејк поен на патот до победата. 23-годишната Чехинка, која ја совлада својата пославна сонародничка Каролина Плишкова на патот до четврт-финалето на Вимблдон, ги искористи седумте двојни грешки на Линете.
За Мучова ова е слатка одмазда, откако Линете ја победи во единствениот претходен меѓусебен меч во четврт-финалето во Бронкс, каде што ја освои првата титула.
It’s the first ever WTA ? for @karomuchova7!⁰⁰
She defeats Linette at the #KoreaOpen 6-1, 6-1 pic.twitter.com/j5YkYVoaGV
— WTA (@WTA) September 22, 2019